A píllara

Escursión a casa de Segundo

2011-06-16T01:28:00.000-07:00

Onte fomos visitar a un avó da nosa companeira Aida,é ferreiro.Ensinounos como abrandar o ferro.Pero ainda que estea brando,ao ferrohai que darlle forte co martelo.
despois deixounos ir ver algunhas cousas que fixera el como: o portal, a porta, o pasamáns, os mobles ou a cabeceira da cama. É un fenómeno. A min gustoume moito, volvería outro día máis.

SEGUNDO

2011-06-16T01:16:00.000-07:00

De ferreiro

Segundo é un ferreiro e un artista. Segundo fai cousas con ferro: cabezais, pasamáns, portas, mobles...etc
A PREPARACIÓN DO FERRO

Métese o ferro no lume.
Quítase e dáselle forma.
Móllase e enfría.
Listo!

Segundo é o avó de Aida. A ferrería é un garaxe. Segundo ten ferramentas para facer as formas, como: zafra, o martelo, ventilador...etc
A profe ensinounos que Segundo é un artista.

UN FERREIRO ESPECTACULAR

2011-06-16T01:02:00.000-07:00

De ferreiro

Ola chámome Iria,vouvos explicar a excursión a que fomos o martes 14 deste mes.Fomos á ferrería de Segundo, SEgundo é o avó de Aida, ensinounos o seu sitio para traballar. Ensinounos como se facía, facíase: ponse o ferro nas ascuas, para que o ferro estivese brando, e así moldear co martelo a forma que el quixese. Pero non pode bater nun sitio calquera o ferro, o ferro tense que bater co martelo na zafra, ten un ventilador que lle sopra ao lume para que non se apague.
Segundo fixo moitas cousas de ferro, portais, cabeceiras de camas, cousas de ferro para a porta, os mobles, pasamáns das escaleiras...

O ferreiro máis impresionante

2011-06-15T04:37:00.000-07:00

De ferreiro

O FERREIRO MÁIS IMPRESIONANTE:
Onte fumos de excursión a ver o avó de Aida, chámase Segundo. E un ferreiro, e tamén creo que é un gran manitas. Fixo cousas impresionantes:
un pasamáns, cabeceiros, espellos...
E todo con ferro! Para min iso é impresionante. E con uns debuxos... Tamén fumos ver como traballaba:
Primeiro poñia as raspas do percebe nas chamas do lume.
Despois dáballe golpes fortes co martelo.
A continuación poñía a raspa outra vez no lume, e poñíalle o selo.
Por último, poñía a raspa na auga. E xa está!
Pero aínda así, non é tan sinxelo como ti pensas. Por exemplo:
Para facer un cabeceiro (porque o das raspas era para afiar a punta), hai que facer todo o de antes, e aínda por riba dobrar facendo o mesmo que o debuxo do boceto.
Alí dentro onde facía as cousas (por certo, que alí facía moito calor), había:

zafra (tamén chamada engra)
martelo
lareira
ventilador

(E teño que engadir que tamén estábamos nós). Por certo, fumos ver a súa casa.
A última cousa da visita, foi que a profe contou ata tres e todos dixemos á vez:
-"Ata logo, Segundo, e grazas!"

Un mundo de nenos

2011-06-01T17:00:00.000-07:00

Ola, somos Elaia, María e MariCarmen.O venres pasado viñeron ao colexio uns señores da tele a gravar aos alumnos de cuarto de primaria.Primeiro, tivemos que baixar a biblioteca a facer as probas para o programa.As probas eran preguntas sobre o colexio.
Alí empezaron a discutir sobre o Barça e o Real Madrid.Finalmente calmáronse.A partir desas probas foron chamando de 2 en 2 aos nenos e nenas para empezar a grabar o programa.Ali fixeronnos varias preguntas sobre deportes como as olimpiadas ;o fútbol;o tenis etc.Pasámolo moi ben aínda que non puidemos ir todos.O programa estrearase en setembro.

Excursión a LLeida

2011-06-01T03:39:00.000-07:00

Ola, son Ana. Vouvos a contar contar todo o que fixemos nesa excursión tan guai.
Nós fumos a Vigo a buscar o tren. Estivemos xogando e sacando fotos todos xuntos.
A primeira noite no tren foi un pouco incómoda porque non fomos capaces de durmir polo ruído e polo incómodo que era o sillón. Cando chegamos quedamos asombrados polas vistas tan bonitas que había.
Os primeiros días estivemmos andando en bici, en piragüa, en quad, escalamos,tiramos con arco, nadábamos na praia...

UNHA EXCURSION AO DELTA

2011-06-01T03:36:00.001-07:00

Ola son Patricia, na excursión pasámolo xenial, coñecemos ao nenos cos que nos carteamos.Na viaxe de tren déronos moitas cousas . Andivemos en bici, xogamos moito cos outros nenos e nenas de Lleida, Asturias e Valencia. Picáronnos moito os mosquitos pero foi moi diver!!!!

Delta do Ebro

2011-06-01T03:36:00.000-07:00

A min gustoume ir no tren pero de noite Javi, Carlos, Manuel, Cesar, Raul, Aaron e eu solo durmimos 2 horas.Eu e Javi, Carlos, Manuel, Cesar, Aaron e Raúl as cinco da mañá estabamos a escoitar música a toda galiña .Despois collemos o autobús e no autobús íamos facendo chistes. Cando chegamos alí fixemos moitas cousas andar en bicicleta, en canoa ,piragua fomos a praia e o último día anduvemos en quad .Por último montamos no autobús e chegamos a estación e as nove collemos o tren ata Vigo e collemos o autobús ata chegar ao colexio.

Vacacións no Delta do Ebro

2011-06-01T03:35:00.001-07:00

Ola,son Raúl nas vacacións paseino moi ben.Había comida rica e pasábase moi ben.

2011-06-01T03:34:00.000-07:00

Ola chámome Javi o que máis me gustou do Delta foi a casa das colonias.Cando chegamos
alí foinos recoller o autobús.Cando chegamos á casa vimos moitos arrozales.Pola noite
todos durmimos moito, ao día seguinte fomos en bicicleta 12 kilómetros
ata a praia, 6 de ida e 6 de volta, despois merendamos e fomos a casa verde. ensinaronos as aves coma o flamenco a garza etc.
O Delta gustoume moito adeus a todos.

2011-06-01T03:33:00.000-07:00

Ola chámome Sandra.Na excursión o Delta do Ebro pasámolo todos moi ben e fixemos un montón de cousas.Andivemos en bicicleta,escalamos,tiramos con arco,tamén conducimos quads.No tren non durmimos nada solo algúns, tamén fixemos xogos en equipo,nos levantaron a unha hora da noite e fomos dar unha volta,algúns quedáronse a durmir.Os profesores sacáronos moitas fotos,pero tamén nos sacaron durmindo no tren e na casa de colonias.

Excursión ó Delta

2011-06-01T03:32:00.000-07:00

Ola, son Carlos. O outro día fun de excursión a Lleida. Fun en tren desde Vigo ata a estación de Lleida. A Vigo fun en autobús. En total foron 16h de viaxe. Alá fomos en piragua, en canoa, escalamos, fomos á praia,escalamos una montaña de cartón, fomos en barco, en bicicleta, andando...

Excursión Delta .

2011-06-01T03:31:00.001-07:00

Ola, son Manuel.Fai dúas semanas fomos ao Delta do Ebro.Fomos en tren, o viaxe en tren gustoume porque ía vendo a paisaxe,pero...mellor ir en avión porque chegábamos antes.No tren pola noite non peguei ollo mellor dito só lle peguei 3 horas seguidas.
Que logro!No Delta fomos en barco, en bicicleta e camiñábamos 12 Kilómetros.Comemos coma reis .Non tiveron fallo ningún.Pero polos mosquitos,ufff!

Vacacións Delta do Ebro

2011-06-01T03:31:00.000-07:00

Son Aarón Sandá Olveira e vou contar como o pasamos no Delta do Ebro.
O domingo 8 de maio en Vigo collemos un tren cara Lleida. No tren era imposible durmir.
Cando chegamos a Poble Nou estabamos todos contentos. A min o que máis me gustou
foron os quads e o que menos volcar en piragua(na foto). No tren Lleida-Vigo durmín
máis pero volvín canso á casa.

Na primavera, árbores para o noso cole

2011-05-08T01:46:00.001-07:00

Esta semana veu ao cole o equipo de xardinería do obradoiro do Concello.
Viñeron cargados de primavera!
Trouxeron unhas árbores que se chaman liquidámbar, e tamén tullas e camelias.
Explicáronnos como se facía para plantar árbores, e os coidados que precisan.
Despois, deixáronnos traballar a nós...fixémolo moi ben!
Para semellantes artistas, non podía ser menos que que viñese a tele gravarnos. Así que saímos no Canal Rías Baixas.
Por se non fose abondo, trouxéronnos cadanseu regalo: sementes de céspede e zinnia que plantamos nun cacharriño de iogur para levar para casa.
E unha litosperma para a nosa clase.
Viñan ou non cargados de primavera?

Vellos oficios: cordas

2011-04-09T13:10:00.000-07:00

Preséntovos a José, un artesán de Aguiño que botou media vida facendo cordas.
Coñecémolo o curso pasado, cando estivemos na de Mingos, vendo como é un obradoiro de dornas.
Naquela ocasión, José explicounos un pouco por riba como ía o asunto ese das cordas, pero xa non nos quedaba moito tempo, e convidounos a facerlle unha visita máis adiante.
Ese máis adiante materializouse onte. Alá fomos todo 4º aprender unha inesquecible lección sobre un deses oficios que o plástico deixou a un lado.
Dá mágoa pensar que toda esa sabedoría se perde. Sería fenomenal que esta xente tivese un lugar onde transmitir os seus coñecementos, que fan parte da nosa historia.
Como non podíamos facer outra cousa, abrimos ben os ollos. Tamén o da cámara. Aquí vos queda o documento gráfico. Un pouco chapuzas, pero...unha non é moi artista nisto do vídeo, non...que se lle vai facer.
Grazas, José!

Poema dominó á forma de Brossa

2011-04-04T03:56:00.000-07:00

Na clase fixemos un poema dominó á forma de Brossa.
Joan Brossa foi un poeta catalán. Naceu en Barcelona en 1919 e morreu en 1998. Foi fundador dunha revista chamada Dau al Set.
Brossa escribiu máis de oitenta libros de poemas, con distintas formas: de dominó etc...
Nós inspirámonos nun poema do libro La piedra abierta, de onde sacamos a idea do poema dominó.
Aqui vos deixo os nosos poemas:

Open publication - Free publishing - More brossa

Chegan as cartas de Lleida

2011-04-02T02:37:00.000-07:00

Onte recibimos as cartas dos nosos amigos e amigas de Lleida. Enviáronnos tamén un libro de poesías sobre a Paz, dous xogos do tres en raia, caretas, un abecedario, fotos dos seus xogos populares, agasallos...
que ganas temos de que chegue maio para coñecelos en persoa.

Día da Poesía

2011-03-21T03:57:00.000-07:00

Hoxe celebramos o día da poesía. Estivemos investigando a Lois Pereiro, o escritor de Monforte de Lemos ó que se lle adica este ano o Día das Letras Galegas. Descubrimos a súa poesía e fixemos con ela dibuxos poéticos.

Unha de celtas

2011-03-09T09:42:00.001-08:00

Dádesme pena, con esa cariña de: "Veña, porfi, ponnos algunha foto do día do desfile!!!"
Bueeeeeeeeeeeeeno, alá vai logo.
Unha de celtas acicalándose.

O día da verza

2011-03-02T08:11:00.000-08:00

Estavos gustando a semana surrealistantroida do cole?
Hoxe foi o día da verza.
E nós aproveitamos as hortalizas que trouxemos para divertirnos un pouco creando.
Non somos Arcimboldos nin Warners, pero...e o ben que o pasamos?
Queda constancia nas fotos.

Plantación da cerdeira

2011-02-25T01:36:00.000-08:00

Fai uns días recibimos a caixa sorpresa que nos enviaron os nosos amigos e amigas de Lleida. Dentro dela, ademáis de pósters, vídeos, folletos, libros, fotos... representativas da súa cultura, viña tamén unha árbore, en concreto unha cerdeira. Xa sabedes que en Lleida cultívanse diversos frutais, entre eles as cerdeiras. Pois alá fomos armados de sacho e caldeiro con auga, e plantamos á árbore.

AGORA TÓCANOS A TODOS COIDALA E RESPETALA.

Disco de Newton

2011-02-14T10:50:00.000-08:00

Aprendendo de cores e luz co disco de Newton:

De ben nacidos

2011-02-13T11:07:00.000-08:00

É de ben nacidos ser agradecidos.
Seguro que o escoitastes máis dunha vez.
Por iso, que menos que agradecer dende esta páxina o detalle que, nestes tempos de crise, tiveron con nós os establecementos que aportaron o material para a cesta de antroido coa que, a persoa á que lle toque, poderá facer un suculento prato como o que ilustra esta entrada.
Así pois, grazas, supermercado Covirán; grazas, carnicería Manolo, e grazas froitería Raibal.
E, como non, grazas á ANPA deste cole, que sempre están aí cando fan falta, para botar unha man.

Grazas e...que aproveite!

Cesta de antroido

2011-02-12T05:04:00.000-08:00

Xa están no forno as rifas da Cesta de Antroido que imos sortear para xuntar cartos para a nosa excursión ARCE-TECEREDES.
A cesta vai completa, ten desde material para facer un bo cocido ata o preciso para o amoado das filloas.
Mirade que guapas quedaron as rifas:

Para a semana empezamos a vendelas.
Apurade, non vaiades quedar sen elas!

Un peixe cun sorriso

2011-02-07T11:02:00.000-08:00

Alguén me mandou este precioso vídeo sobre un peixe, que dá para reflexionar sobre a liberdade e sobre a relación das persoas cos animais.
Está subtitulado en chinés, pero estou segura de que o ides entender igual...
Espero que o disfrutedes coma min.
Aquí vos queda.

Xogos pola paz

2011-02-02T10:36:00.000-08:00

Esta semana, como en moitos coles, celebramos o día da paz.
Celébrase oficialmente o 30 de xaneiro, por ser ese o día no que morreu asasinado Gandhi, un home hindú que predicou a non violencia.
Coa idea de mellorar un pouco as relacións entre os dous cuartos, decidimos celebralo facendo xogos cooperativos conxuntamente
Así que fomos para o ximnasio e alí xogamos á botella borracha, á cinta transportadora e ao verme. Tamén fixemos un símbolo da paz con sementes: mentres unhas persoas ían buscar as sementes e as traían aspirando cunha palliña, outras íanas pegando enriba do símbolo da paz.
Velaquí o resultado:

E, se pinchas enriba, accedes ao álbum onde están as outras fotos

Urpi

2011-01-22T10:58:00.001-08:00

Ata a semana pasada, para nós a palabra quechua tiña un só significado: marca dunha coñecida tenda de deportes.
Agora, despois da visita do profesor peruano Honorato, e de todo o que nos contou acerca da súa cultura e o seu país, sabemos que quechua é unha lingua fermosa que se fala dende hai moitísimos anos.
Honorato está a facer un traballo de investigación sobre o uso das linguas maternas en distintas partes do mundo. Por iso nos visitou, para comprobar en que medida en Galicia se conserva a nosa lingua nai.
Quedou encantado de ver o ben que nos expresábamos en galego.
Para rematar, cantounos unha canción en quechua. Fala da soidade dunha urpi (pomba). Queredes escoitala? Aí vos vai:

O Apalpador de novo en Aguiño

2010-12-21T02:19:00.000-08:00

Ao igual que o ano anterior, o Apalpador non esqueceu o cole de Aguiño á hora de facer o seu recorrido por Galicia.
Aquí vedes o recibimento que se lle fixo no noso cole:

ANELAMENTO DE AVES

2010-12-13T00:41:00.000-08:00

Hai uns días fomos de excursión, a anelar paxariños.Manu foi noso guía, é ornitólogo, que significa especialista en paxaros.Tamén foi a nai de Aida porque Aida tiña un pé mal, e necesitaba un pouco de axuda.

Vouvos explicar o que nos ensinou Manu:

Primeiro ensinounos unhas redes que puxera para coller os paxaros.Polo camiño explicounos cousas como....... Como é a casa dun rato, dun raposo e moitas cousas máis, follas de árbores (de que árbore eran), que son os bosques, distinguir árbores plantadas por nós das que nacen silvestres...
Despois ensinounos como caían os paxaros nas redes, e como desenganchalos. Fomos a unha mesa e díxonos o nome de cada paxaro, ensinounos a distinguir un paxaro macho dun paxaro femia, e como se lle poñía o número nas patas.....
E por último fomos para o autobús para ir para o cole. Logo, algúns que non merendaran, merendaron; e os que si, puxéronse a facer unha redacción como esta.

E aquí veredes as fotos da excursión:

Teatro en Vilagarcía

2010-11-28T11:17:00.000-08:00

O luns da semana pasada fomos a Vilagarcía. Fomos ao teatro.
A obra, que se chamaba "Cara o campo das estrelas", era acerca do camiño de Santiago. Foi moi divertida. Á saída, regaláronnos o libro "A contar estrelas no camiño". Como veredes nas fotos, algunhas non puideron esperar a chegar a casa para empezar a lelo...
Despois do teatro fomos ver unha exposición de pintura que había no propio auditorio.
O tempo acompañounos, e puidemos xogar un anaco no parque que está alí ao lado.
Aquí vos deixo, como sempre, as fotos:

Ilustración para o calendario

2010-11-15T08:40:00.000-08:00

O tempo pasa de contado, mira onde estamos xa...a finais de novembro!
Toca preparar calendario novo. Nesta ocasión, a fonte de inspiración será o verso de Camoes "...onde acaba a terra e o mar começa", verso arredor do que xira o proxecto de innovación no presente curso.
Hai uns días, puxémonos mans á obra e empezamos a recompilar materiais relacionados co mar e coa terra, para facer a nosa ilustración.
Hoxe démoslle forma a todo iso.
Saíunos isto:

Apañacastañas

2010-11-13T00:48:00.000-08:00

Onte celebramos o magosto no cole. Para darlle un pouco de ambiente á cousa, disfrazámonos de apañacastañas. Puxemos un mandil vello, botas, pano na cabeza...e a apañar castañas!
Como non topamos ningún castiñeiro por aquí cerca, fomos cos nosos cartuchos a ver se "apañábamos" algunha no carriño de Guillermina, a castañeira. Que é a nai de Adelia, xa o sabedes, non?
Como vos vexo cara de querer ver as fotos, vou ser boa e vóuvolas deixar aquí, veña.

¡SUPER ZORRO!

2010-11-03T04:42:00.002-07:00

Ola,somos:MANUEL, JAVI, CARLOS e AARÓN,dámosvos a benvida a este comentario
de Superzorro. Superzorro é a historia duns granxeiros que queren matar a un raposo que come ós animais das granxas de Buñuelo, Benito e Bufón. O raposo fai un
túnel baixo a terra e come os animais ás agachadas e bébelle a sidra a Benito. Gustounos moito esta historia. Mirade os debuxos que fixemos do libro de Superzorro.

O Samaìn do CEIP Aguiño

2010-11-03T04:42:00.001-07:00

Ola somos Sandra, Patricia, Ana e Elaia. Queremos mostrarvos o noso Samaín. Houbo moitas cabazas, había de todo tipo: de gatos, morcegos... eran grandísimas e algunhas tamén eran pequenas. Algunhas non daban medo, despois acenderon as candeas e as que tiñan purpurina brillaban moitísimo!!!

A NOSA PIÑA LECTORA

2010-11-03T04:42:00.000-07:00

Ola somos María,Raúl e Maricarmen. O ano pasado tiñamos un vermiño lector, este ano temos unha piña lectora. Cando rematamos de ler un libro, facemos un resume do conto. Recortámolo en forma de círculo, coloreámolo e pegámolo na nosa piña. Podemos coloreala de verde ou de violeta, aínda que outros píntana doutras moitos cores.

Aparello excretor

2010-11-03T02:33:00.000-07:00

Ola, este é o traballo do aparello excretor. Está feito por Julio, Alex, Ana levounos moitos dias pero ao final foi fácil facelo.Ten 7 diapositivas, ten fondos moi chulos para o noso gusto. As palabras entran algunhas pola dereita e outras pola esquerda, e o título polo medio.
Aquí volo deixo para que o vexades:

O aparello excretor

View more presentations from pillara.

O aparello dixestivo

2010-11-03T02:19:00.000-07:00

Somos da clase de cuarto a, somos Aida e Lara e estamos facendo un pps do aparello dixestivo. No aparello dixestivo estamos aprendendo as partes, e hai a boca, o esófago, o estómago, o intestino delgado, o intestino groso, as glándulas salivares... Custounos moito facelo, aquí volo deixamos para que o vexades.

O sistema dixestivo

View more presentations from pillara.

O Samaín

2010-10-27T01:14:00.000-07:00

Esta semana celebramos no cole o Samaín, estamos a facer unha cabazas moi chulas, poñeremos as fotos dentro de nada, pero mentres estamos a investigar e busca buscando atopamos un traballo moi interesante que fixeron os nenos do instituto Porto do Son.

vai de medo

See more presentations by biblioson | Upload your own PowerPoint presentations

Benvidos ao novo curso!

2010-09-30T02:20:00.000-07:00

Empezamos un novo curso, atrás quedou a píllara de terceiro, chegou a píllara de cuarto.
Poñeremos novas fotos, faremos novas excursións e poñeremos novos videos. As vacacións foron moi longas, espero que sexa o curso máis fantástico.

Gustaríanos moito que o veñades visitar todo o que poidades. Nós esperamos que vos guste moito. Xa verás, non sei de que nos preocupamos... ¡se vos vai encantar!

Isto acábase...

2010-06-18T08:02:00.000-07:00

Isto vaise acabando.
Hoxe, para celebralo, os terceiros collemos as mochilas, as viseras e o bo humor e puxémonos en marcha cara Couso.
Botamos alí a mañá, nunha agradable xornada. Fixemos un pouco de todo, como podedes ver polas fotos: saltar á corda, xogar ás escondidas, cambiar cromos, botar un partido de fútbol, facer creacións coas cousas que nos ofrece a natureza...e, por suposto, tomar unha boa merendola!
O profe Rubén e a profe Nela leváronnos larpeiradas e caramelos, que fixeron a mañá aínda máis doce.
Tamén vimos un esquío. Pero ese non quixo saír na foto...

VACACIÓNS

2010-06-17T04:18:00.000-07:00

OLA, SON JAVI, NESTE CURSO APRENDÍN MOITAS COUSAS: ESTUDIAR,FACER OS DEBERES E XOGAR.
TAMÉN FoMOS DE EXCURSIÓN E PASEINO MOI BEN.CHAO.

A despedida do curso de 3ºB

2010-06-17T04:17:00.000-07:00

Ola, son María,o que máis me gustou de terceiro foi o noso profe e as excursións que nos fixo:a excursión a Santiago de Compostela, a excursión a Porto do Son, a excursión a Corrubedo ... Tamén me gustou facer arte ambiental e facer tantas cousas de plástica. Pero sobre todo gustoume que nos deixara ir a informática a xogar. No verán vou a facer a comunión, en Aguiño, e despois vou a ir a praia, vou montar a piscina e vou a ir a comer a casa da miña tía. Bo verán.

Fin de curso

2010-06-17T02:10:00.000-07:00

Hola son Esteban e este curso paseino moi ben.Gustoume moito este colexio. A exscursión que máis me gustou foi a excursion dos Castros de Baroña. Felices vacacións.

Despedida 3º B

2010-06-17T02:05:00.001-07:00

Ola, son MariCarmen. Van a dar as vacacións e quero despedirme. O que máis me gustou foi a hora de informática, as excursións, o que fixemos en plástica, as visitas dos nenos e nenas de Porto do Son... Neste curso fixemos cousas divertidas e interesantes. Foi o mellor curso da miña vida. No verán penso ir de viaxe, farei a comunión, estudarei e xogarei.

Desspedida de 3ºb

2010-06-17T02:04:00.001-07:00

Ola son Elaia, o que máis me gustou do cole foi ir a Santiago de Compostela.Agora no
verán vou ir a multideporte, a patinaxe e a praia .Tamén irei a Coruña a visitar os
meus tíos, despois meu pai levarame no barco para a casa e ensinarame o barco.

Bo Verán

2010-06-17T02:04:00.000-07:00

Ola, chámome Sandra o que máis me gustou do cole foi ter un profesor novo, facer plástica, e os deberes que antes non sabía facer.Tamén fixemos excursións...fixemos moitas cousas que non facía con outros profesores. No verán vou ir a praia cos meus amigos. ENCANTOUME ESTAR EN 3ºB, ESPERO QUE O PASEDES MOI BEN, CHAOOOO QUE PASEDES MOI BOAS VACACIÓNS.

Escribindo na pillara por Patricia

2010-06-17T02:03:00.003-07:00

Aquí no Ceip de Aguiño fixemos as nosas casas en maquetas. Os de 3ºB FIXEMOS moooooitas cousas, o máis grande é o de Raúl, o mais pequeno o meu, que é unha escola. IRÉDELO VER, ESTÁ ARRIBA, DIANTE DA PORTA E TAMÉN OS DOS MEUS COMPAÑEIROS. Chao.

Fin de curso

2010-06-17T02:03:00.002-07:00

Hola soy Carlos, en este curso hicimos muchas excursiones a las Dunas de Corrubedo, a la Catedral de Santiago, a Ribeira fuimos más de una vez.También fuimos a Vigo. En el verano jugaré con los amigos e iré a la playa. Chao.

Felices vacacións

2010-06-17T02:03:00.001-07:00

Ola,chámome Manuel, o que máis me gustou deste curso foi ir de excursión, facer plástica e facer os deberes,tamén me gustou ir ó recreo,fixemos
moitas cousas: estudiar, facer os deberes e xogar.Tamén ,tivemos tempo para contar
chistes jajajaja.Que divertido foi este curso!

Fin de curso

2010-06-17T02:03:00.000-07:00

Hola soi César, soy de 3ºB, me gustaron las excursiones, me gustó la excursión a las dunas.Ahora que se acaba el cole tiene una parte buena y una mala, la buena es que no hay cole y la mala es que no veré mucho a mis amigos.

A despedia

2010-06-17T02:01:00.001-07:00

Ola son Raúl de 3ºB, o que máis me gustou foi a visita a Santiago de Conpostela, gustoumme moito a Catedral e vin ó bispo. Tamén me gustou a visita a Porto do Son e ó Castro de Baroña.

A despedida do colexio de 3ºB

2010-06-17T02:01:00.000-07:00

Hola son Ana, o que máis me gustou do cole, foi o noso profe, as excursións, foron as mellores,fomos a moitísimas: a Catedral de Santiago,a Porto Do Son, os de Porto Do Son tamén viñeron a Aguiño, tamén fomos ó Castro de Baroña. Divertinme moito foi o mellor curso da miña vida. Oxalá que o profe siga con nós en 4ºB.

No verán farei a comunión, fareina en Chicolino, tamén irei a praia, cos meus primos/as e amigos/as,tamén irei a casa das miñas primas. Chao.

O noso cole en 3º B

2010-06-17T02:00:00.001-07:00

Ola,son Aarón, o que máis me gustou foi a visita a Santiago de Compostela. Fomos á
Catedral. Alí vimos o Pórtico da Gloria. Fomos a Porto do Son e vimos a vila.
No verán farei a comunión no restaurante San Xoán e irei á praia. Chao.

Orgullos@s do noso

2010-06-09T10:20:00.000-07:00

O outro día estivemos facendo un traballo sobre o uso do galego. A idea é visibilizar que o galego é un idioma tan válido como calquera outro para o seu uso nos distintos ámbitos da nosa vida...en todos eles!
Fixemos un pequeno campo semántico, unha serie de palabras relacionadas co ámbito que cada un de nós escolleu.
E, despois, gravámonos.
O resultado, velaquí o tendes:

Arte ambiental en Corrubedo

2010-06-03T04:17:00.002-07:00

Ola somos Manuel, Xavier, Ana, Aarón e Patricia. Fai uns días fomos a Corrubedo e pasámolo moi ben. Fixemos arte ambiental con cunchas,paus e area. Con esas cousas fixemos: barcos, labirintos, faros, toupeiras etc.O que máis nos gustou foi o barco.
O que máis nos custou facer foi o labirinto.Os outros equipos fixeron moitas cousas.Pouco máis tarde tivemos que irnos.

Excursion a Corrubedo.

2010-06-03T04:17:00.001-07:00

Ola, somos MariCarmen, María, Sandra, Raúl e Noemi.O mércores fomos a Corrubedo a facer arte ambiental.Fixemos unhas cuantas figuras con cunchas que pintamos na clase.
O que máis nos gustou foron a maragota e as flores que fixemos con cunchas,pedras e paus.Chao.

Arte ambiental

2010-06-03T04:17:00.000-07:00

Hola somos César, Esteban e Carlos. Fomos a praia e fixemos arte ambiental. Fixemos unha piscina con trampolín e despois pensamos poñerlle outro nome que era o circuito de Monaco e depois regresamos ó cole.

Visita dos do Porto do Son

2010-05-28T01:39:00.000-07:00

Visita dos do Son

Os de Porto do So viron coñecer Aguiño.Agora vouvos contar o que me gustou da visita.

Paseino ben durante a visita, viñeron o día 21 de Maio.

Primeiro vouvos contar que a miña compañeira chamábase Laura, e tiña unha irmá. Gustoume ir con ela porque non iamos caladas, senón que iamos charlando.

O segundo que vos vou contar é que fumos a casa de Maricarmen, e tamén a casa do meu tío e do meu avó.

Fixemos cousas divertidas como facer unha corda.Ah, meu tío fai unhas maquetas de dornas!

E fainas moi bonitas!

Bueno, o que vos teño que decir é que o pasei moi ben.

Visita dos do Son (por Lara)

2010-05-27T00:38:00.000-07:00

O dia 21 de maio viñero os de Porto do Son e fomos por Aguiño.Preparamos unha charla, un folleto, planos e por último un Power point. Nos puxemos coas nosas parellas e fomos á ruta.

Primeiro pasamos pola Igrexa, Julio e Ana nos dixeron unhas cousas.

De segundo fomos ao obradoiro das dornas e Elena e Alex e Maria tamén nos explicaron .

Despois fomos facer cordas e Domingos explicounos cousas e outro señor tamén nos esplicou cousas.

Fomos ao Carreiro, e no Carreiro nos contaron Lara e Iria; despois outra clase falou e vimos o estaleiro, e molou . Vimos aos señores traballar! Fomos ao porto e a lonxa! E por último fomos ao parque dos vellos.

Visita dos do Son

2010-05-25T03:40:00.000-07:00

O venres visitáronnos os de Son a Aguiño, vimos un PPS que me gustou moito. Fixémolo Luismi e máis eu!!
O primeiro que fixemos a igrexa.
O segundo visitamos a Domingos.
O terceiro fumos ao porto de Aguiño.
O cuarto vimos o parque dos exercicios.
O último a despedida.
Esperamos que volveredes a visitarAguiño!!!!!!!!!!!!

De paseo por Aguiño

2010-05-21T07:37:00.001-07:00

Hoxe recibimos a esperadísima visita das nenas e nenos do cole de Porto do Son. Digo esperadísima, porque estaba prevista para o luns, día 10, pero como o tempo ameazaba con botarnos enriba caldeiros de auga, decidimos pospoñela.
Foi estupendo volver a contar coa súa presenza.
Fixemos un percorrido que empezou na igrexa, para logo pasar polo obradoiro de dornas de Domingo Ayaso, o Carreiro, o estaleiro, a lonxa, e a illa de Sálvora...vista dende terra, claro.
Finalmente fomos ao parque, relaxarnos un pouco, que tanta camiñada e tanto calor estábannos deixando feitos puré!!! Aínda que no folleto puxéramos que remataríamos no parque de Ferrer, finalmente fomos ao que está ao lado da Aula de Música do Concello. Que alí hai un pouco de sombra, e agradécese.
Tivemos tamén unha actividade inesperada, que resultou todo un éxito. Un veciño de Domingo, que nos viu no seu obradoiro, díxonos se queríamos ver como se fan as cordas. El botou media vida traballando niso...
Veredes, nas fotos, a roda enorme que, coas súas voltas, fai que se vaian enredando os fíos para formar unha corda.
A esta que vos fala, que nunca tal vira, resultoulle sorprendente. E xa medio "feiramos" unha próxima visita (terá que ser no curso que vén!) para ver todo o proceso: dende o esparto ata a maroma.
Que vos parece se, na próxima semana, elaboramos unhas entradiñas dicindo cadaquén que foi o que máis lle gustou?
Aquí vos espero!

A Píllara.

Visita a Porto do Son

2010-05-08T09:48:00.000-07:00

O mércores estivemos visitando Porto do Son. Os nenos e nenas do Ceip Santa Irene, recibíronnos na sua fermosa vila e fixeron de guías para amosárnola.
A visita comenzou na Praza de España, na que hai un fermoso peto de ánimas, seguimos cara o Centro de Interpretación do Castro de Baroña, donde aprendemos moitas cousas sobre o mesmo. Continuamos percorrendo rúas, pasando polo Concello, ata a Casa da Cultura, donde visitamos a biblioteca e vimos un vídeo sobre o Concello de Porto do Son. Despois subimos cara a Capela da Atalaia, alí no estupendo mirador, puidemos ver uns golfiños que saían da ría cara mar aberto. Despois, baixamos polo paseo marítimo, onde vimos unha estatua adicada os voluntarios do Prestige, ata o porto. Alí, nos xardíns, merendamos e despedímonos dos nosos amigos e amigas do Ceip Santa Irene.
Nós, continuamos viaxe cara o Castro de Baroña, alí quedamos asombrados coa fermosa paisaxe.
Agora estamos impacientes, agardando a que chegue o vindeiro luns, para ensinarlle os nenos e nenas do Son a nosa fermosa vila, Aguiño.

Coñecendo Aguiño

2010-05-03T09:53:00.000-07:00

Coñecendo Aguiño

View more presentations or Upload your own.

O vindeiro mércores imos de excursión a Porto do Son.
Convídannos os de 3º do cole de alí, vannos ensinar o seu pobo levándonos a tódolos sitios que lles parecen dignos de ver del.
Logo, nós faremos o mesmo. O luns que ven, día 10, virán eles aquí e ímoslles ensinar todas as cousas interesantes que hai en Aguiño.
Para recibilos, preparamos varias cousas: unha charla, un folleto turístico, e esa presentación que vedes aí arriba.
Gústavos?

Día do Libro

2010-04-25T02:36:00.000-07:00

O venres 23 de abril, celebramos no cole o Día do Libro. Celébrase nesta data pola coincidencia do pasamento de Miguel de Cervantes e William Shakespeare.
Para esta conmemoración tan sinalada,estivemos a facer un motón de cousas. Comezamos elaborando un conto sobre a vida de María Balteira e despois contámosllo os nenos e nenas de infantil, uns con máis arte que outros, pero aplaudíronnos moito a todos.
Despois estivemos a elaborar marcapáxinas e rematamos cun mural colectivo coas respostas que demos a unha pregunta moi interesante e que deu lugar a unha moi boa reflexión:

E tí, para que les? Os nenos e nenas respostaron:

- Para disfrutar.
- Para enterarme do que pon no periódico.
- Porque me axuda a aprobar os exames.
- Para saber moitas cousas.
- Porque me gusta.
- Para non ter faltas de ortografía.
- Para ter máis imaxinación.

E tí, porque non les?

Día Internacional do Libro Infantil

2010-04-15T01:11:00.000-07:00

Esta semana estivemos de celebración no cole, celebramos o Día Internacional do Libro Infantil. O luns, uns nenos de 6º leron o manifesto pola lectura do escritor Eliacer Cansino, e despois os nenos e nenas do 2º e 3º ciclo apadriñaron e amadriñaron a nenos e nenas de infantil e de 1º ciclo, fixemos pequenos grupos e contáronlle un conto. Foi un experiencia moi divertida para todos.

O mércores tivemos unha sesión de contacontos, na que tamén puidemos disfrutar dun pequeno espectáculo de títeres.

Corruwiki

2010-04-13T01:31:00.000-07:00

Sabedes o que é unha wiki?
Nós estamos traballando nunha.
Chámase corruwiki
O tema da nosa wiki é os animais de Corrubedo.
Na wiki temos moitos vídeos de animais e por onde estan distribuídos.
Estamos traballando coa píllara, o golfiño, a gambusia , o lagarto arnau , o sapo de esporas e a eurinebrya.
Cada un ten unha foto do seu animal , son moi bonitas.
E traballamos por parellas.
Queredes vela?

SEGURO QUE CHE GUSTARÁ!

María Balteira

2010-04-06T02:56:00.000-07:00

Os nenos e nenas de 3ºA e 3ºB, estivemos investigando un pouco sobre María Balteira. Descubrimos que María Balteira foi unha muller galega que viviu na Idade Media.O seu nome real era María Pérez e foi a "soldadeira" máis famosa da época medieval. As soldadeiras eran mulleres que estaban adscritas á corte, e que tiñan como oficio cantar e bailar. Por este traballo pagábanlles unha soldada e de aquí ven o nome de soldadeira.
Os de 3º fixemos un mural reproducindo un grabado de Luís Seoane que representa a María Balteira e compuxemos unhas coplas ensalzando a súa figura.

O EXPERIMENTO CO LIXO

2010-03-25T05:34:00.000-07:00

OLA hai tres meses plantamos lixo. A que vos parece de tontos?
Pois que va, nós queríamos facer un experimento.
No que o experimento consistía é en enterrar varias cousas, e mirar canto tempo dura cada unha. O que fixemos de primeiro foi facer as etiquetas. Despois fixemos a cova para enterrar as cousas, e despois puxemos cada etiqueta no seu lugar.

PLANTAMOS...

ANACO DE CORDA= APARECEU ENTEIRO
PAPEL= O ANACO DE PAPEL DESFÍXOSE
ALGAS= DESFIXERONSE
ANACO DE POLISPÁN= DESFÍXOSE UN POUCO
ANACO DE REDE= APARECEU ENTEIRO
ANACO DE GUANTE=APARECEU ENTEIRO

A nosa conclusión é que a terra non e capaz de desfacer todo o lixo

Día da árbore

2010-03-22T17:10:00.000-07:00

O pasado mércores celebrouse o Día da árbore.
O Concello convidounos a participar nun encontro que tivo lugar no parque de Corrubedo.
A iso das 10 e media, veunos buscar un autobús, que tamén recolleu despois ás nenas e nenos do cole de Carreira.
No parque vimos un documental, plantamos árbores e xogamos a un montón de cousas cunhas monitoras estupendas. Fixemos ata unha busca do tesouro!
Pasámolo pipa.
E saímos no xornal. Somos importantes!!!

Día da muller traballadora

2010-03-11T01:11:00.000-08:00

O 8 de marzo celebramos o Día da muller traballadora, cada clase elaborou una mesa-collage adicada as mulleres traballadoras en distintos oficios. Tamén elaboramos unha mesa común entre tódalas clases, adicada a unha poetisa. Aquí as tendes.

O Sistema Solar

2010-03-10T13:03:00.000-08:00

Na clase de plástica, estamos facendo o Sistema Solar: o Sol, Xúpiter, Saturno, Mercurio, Marte, Terra, Plutón, Urano, Neptuno, Venus.
Para facelos, primeiro cubrímolos de papel de xormal e pegámolo con cola.E deixámolos secar.
Despois pintámolos de moitas cores. E tamén os deixamos secar.
Cando rematemos, colgarémolos do teito.

O Tangram

2010-03-04T01:09:00.000-08:00

Continuamos construíndo xogos e xoguetes con materias reciclados. Desta vez fixemos o Tangram, o famoso xogo chino que estimula a creatividade. En chino recibe o nome de táboa da sabiduría ou táboa dos sete elementos. Nós fixémolo con cartón e pinturas e pasamos un bo rato contruíndo figuras.

Os muíños de río

2010-02-26T01:17:00.000-08:00

Estivemos traballando unha poesía que falaba dun río que facía mover un muíño. Non tiñamos moi claro como funcionan os muíños de río, así que investigamos un pouco e encontramos un vídeo, que aínda que está cheo de faltas de ortografía, é moi interesante, velaquí o tedes, son unhas verdadeiras xoias!

As Mouras de 3ºB

2010-02-22T03:27:00.000-08:00

Aquí están as fotos do Entroido dos nenos e nenas de 3ºB. Non era sen tempo, verdade? Que guapos!

O clima

2010-02-14T11:14:00.000-08:00

En Coñecemento do Medio estamos estudiando o clima, aquí vos deixamos un vídeo que explica moi ben como os países desenvolvidos están producindo o cambio climático e as consecuencias adversas que estamos sufrindo dende hai tempo e que empeorarán se non facemos nada, ANTE O CAMBIO CLIMÁTICO CAMBIO DE CONCIENCIA

Mouras

2010-02-13T09:23:00.001-08:00

O Antroido deste ano ía de seres mitolóxicos galegos relacionados coa auga.
A nós gustáronnos as mouras. Tan guapas elas, tan acuáticas elas, tan brancas, tan presumidas, tan enigmáticas.
Os nenos, de entrada, mosquéaronse un pouco...por que de mouras e non de mouros?
Pero falámolo: igual que podemos ir de coellos sendo persoas, tamén podemos ir de feminino ou masculino sendo do sexo contrario...E nunca está de máis poñerse no pelexo dunha muller!
Ao final, disfrutaron un montón de poñer peluca e usar pintalabios!
Fixemos unhas caixas preciosas para gardar os nosos tesouros. Decidimos interpretar a palabra "tesouro" no seu máis amplo sentido. Así que gardamos dentro cousas que para nós podían ser "tesouros": cunchas bonitas, pedras chulas, as chapas que usamos para xogar, un debuxo que nos regalou unha amiga, a foto dunha persoa á que queremos moito...
Aquí vos quedan as fotos de como nos disfrazamos.

As do desfile virán outro día, que eu non levaba cámara.
Pasádeo ben estes días!!!

As poleas, e as ganas de ir ao cole

2010-02-04T08:05:00.000-08:00

Hoxe na clase de Coñe tocou falar de máquinas. Estivemos vendo o que era unha panca, unha roda, un plano inclinado...
Ao falar da polea recordei este vídeo que vin hai uns días. Vai dun grupiño de nenos e nenas de Colombia que, como veredes, non lle poñen peros a iso de ir ao cole...

Hai que ter ganas...ou non??

Verbum

2010-01-29T08:59:00.000-08:00

O martes pasado fixemos unha visita ao Verbum. Este museo, que tamén se chama "Casa das palabras", está en Vigo, fronte á praia de Samil. É un museo interactivo sobre todo o relacionado coa comunicación.
Primeiro, contáronnos un montón de cousas sobre a historia de Galicia, e fixemos unha actividade sobre ela. Buscando na información dos paneis, fomos atopando as respostas a todas as preguntas que nos propoñían.
Logo subimos a outra zona na que unha guía do museo foinos propoñendo diversos xogos relacionados coa linguaxe e a comunicación.
Ao final, comemos ao aire libre, mirando ao mar da ria de Vigo...todo un luxo! Sorte que nolo permitiu o tempo!
Aquí vos deixamos un álbum que ilustra a nosa experiencia:

Cooperación

2010-01-28T10:59:00.000-08:00

Pasado mañá celébrase o día mundial da paz. Unha, que está farta das versións negativas do que significa a paz (a paz é non pelexar, a paz é non abusar, a paz é non...), quería deixarvos aquí este detalliño sobre unha actitude cuxo desenvolvemento me parece fundamental para empezar a falar de paz: a cooperación.

A esta xente miúda gustoulles moito...e a vós?

O mar

2010-01-28T04:26:00.000-08:00

Levamos uns días traballando vocabulario relacionado co mar e fixemos unha pequena escolma de refráns e coplas mariñeiras, combinámolas cunhas fotos e vela aquí o resultado, esperamos que vos guste.

Portt

View more presentations from guest846b83.

Galiñeiro ecolóxico

2010-01-25T03:15:00.000-08:00

Mira que galiñeiro máis chulo temos na clase! Temos galiñas, galos e pitos, todos feitos con materiais reciclados. Unhas caixas de ovos, unhas cartulinas,pinturas e un pouco de imaxinación... só lle faltan poñer ovos.

Habitantes do xeo

2010-01-24T09:35:00.000-08:00

María Sampedro fíxome chegar esta foto que lle envía seu pai dende o Océano Índico.
Nela vedes a un simpático grupo de pingüinos subidos enriba do xeo. Fixádevos que todos miran na mesma dirección...que haberá dese lado???

Auga!

2010-01-21T00:30:00.001-08:00

Estes días andamos estudando a auga: estados, propiedades, o ciclo da auga...
Aquí vos deixo este vídeo, que nos conta algunhas das propiedades do líquido elemento dunha maneira simpática.

Lixo nas praias

2010-01-14T10:14:00.000-08:00

Na praia pódese encontrar de todo. Dentro de nada, igual topamos de todo menos area...
Con algunhas cousas que alí collemos, fixemos este poema visual.
A ver se vos gusta!

Felices festas

2009-12-23T04:52:00.000-08:00

O APALPADOR DESÉXAVOS BO NADAL

2009-12-21T03:23:00.000-08:00

BO NADAL! Para todos os nenos e nenas, pais e nais do colexio de Aguiño e en especial para os de 3º. Premede no vídeo e poderedes ver o vídeo que prepararon os profes sobre min. Pinchade aquí para ver as vosas fotos co Apalpador.

Madre Tierra

2009-12-18T01:20:00.000-08:00

Aquí vai outro videoclip moi interesante, o seu autor faise chamar Macaco e o título do videoclip é Mother Earth. Botádelle unha ollada!

Ska de la Tierra

2009-12-17T04:27:00.000-08:00

Hoxe estivemos vendo un video sobre o cambio climatico. Despois estivemos vendo un video de Bebe, Ska de la Tierra.
¡Deixámolo aqui a ver se vos gusta!

Se queres ver a letra pincha aquí.

Día Internacional dos Dereitos Humanos

2009-12-10T07:47:00.000-08:00

Hoxe celebramos o Día Internacional dos Dereitos Humanos. O 10 de decembro de 1948 a
Asamblea General de las Naciones Unidas adoptou a Declaración Universal dos Dereitos Humanos, que recolle os dereitos humanos considerados básicos, dereitos como o dereito á vida, a abolición da esclavitude, o dereito a non ser torturado... dereitos que hoxe en día aínda non son respectados en moitos países, parece incrible, verdade?
No cole vimos unha peli, Kirikú e a Bruxa, que nos sitúa nunha pequena aldea africana na que unha bruxa tiraniza os seus habitantes, o mesmo que acontece aínda nalgúns paises.

Dia da Violencia de Xénero

2009-12-10T07:29:00.000-08:00

O pasado 25 de novembro, celebramos no colexio o Día Internacional da Violencia de Xénero. Escribimos en cartolinas palabras relacionadas coa violencia de xénero e construímos unha espiral con elas. A violencia de xénero é un proceso espiral que comeza dunha maneira soterrada e pouco a pouco se convirte nunha espiral. Os xoves temos o desafío de romper a espiral de violencia.

Un traballo sobre a xestación

2009-12-09T08:52:00.000-08:00

A xestación

View more presentations or Upload your own.

En 3º A levamos xa bastante tempo traballando nun proxecto sobre a xestación humana. Recollemos datos de moitos sitios, consultamos libros e internet, tomamos notas, intentamos sacar o máis importante delas, e despois, por parellas, fixemos cadansúa diapositiva. Bueno, houbo parellas máis espelidas que fixeron dúas!
A profe xuntounas todas, e púxolle principio e final...e aí tendes o resultado.
A ver se vos gusta!

Hai que ser responsable co medio ambiente

2009-12-03T01:10:00.000-08:00

Hoxe fomos ver un vídeo a audiovisuais e o vídeo contaba que había que ser responsable do medio ambiente.
Por exemplo cando estas lavando os dentes non deixar a ducha aberta nin a billa, e non deixar a televisión acesa.
Aquí vos deixo o vídeo, espero que o disfrutedes e que fagades o que sae no vídeo.

A NAVE DE ULISES

2009-12-02T04:19:00.000-08:00

Xa hai un par de semanas que rematamos de ler a Odisea, e comenzamos a montar o troquel da súa nave. Que Odisea montar a nave de Ulises! Casi nos leva tanto tempo como a Ulises regresar a Ítaca, pero ó final conseguímolo! Picha na foto e verás.

RECEITAS NOXENTAS

2009-12-02T01:37:00.000-08:00

Onte na clase fixemos receitas noxentas.

Fixemos así:

Primeiro pensamos que receita facer. Fixémolo por parellas. Primeiro puxemos os ingredientes, despois a preparación.

As receitas tiñan que levar un vexetal, unha salsa e un artrópodo.

E tamén lle tíñamos que poñer titulo.

Aquí vai a primeira receita.

Nós

2009-11-17T04:50:00.000-08:00

En terceiro A levamos unha temporada traballando na nosa descrición. Na aula de informática, fixemos cadanseu documento cunha foto nosa, e escribimos cousas acerca de nós.
Levounos tempo, eh? Non é tan fácil! Hai que aprender a crear carpetas, a abrilas, a gardar cousas nelas, a inserir unha imaxe nun documento...
Agora podedes ver aquí o resultado:

Quedounos un libro chulo, non si?

Un día na ópera

2009-11-09T07:50:00.000-08:00

A ópera "A Cincenta", da que hoxe disfrutou o alumnado do segundo ciclo do noso cole, é unha adaptación da ópera orixinal A Cenerentola de Gioachino Rossini. Nesta ocasión foi dirixida por Joan Font (director de "Comediants") levando a cabo unha versión sinxela e divertida, de xeito que poida ser comprensible para estas idades.
Esta función enmárcase dentro do ciclo de concertos didácticos do Auditorio de Galicia.
A ópera diferénciase nalgúns aspectos do conto de Perrault.
Así, por exemplo, Rossini elimina os elementos máxicos -aínda que temos un ratiño que fai de narrador-, e potencia as virtudes e defectos da condición humana; Cincenta non ten que marchar do baile ás doce da noite; e a madrastra é substituída neste caso por Don Magnífico, personaxe que permite a Rossini reflectir a ambición e cobiza humanas.
A obra gustou, e entendeuse bastante ben, así que, como primeira aproximación ao mundo da ópera, foi un éxito.
Como chegamos a Compostela un pouco antes do comezo, aproveitamos para dar un paseíño, e ver un pouco Santiago e os artistas que poboan as súas rúas: un gaiteiro, un músico que tocaba un estraño instrumento australiano chamado didgeridu, un pintor...todo chamaba a nosa atención.
Se pinchades na foto da ópera, accederedes ao álbum no que recollemos as imaxes que dan conta do noso paseo.

Chegou o Magosto

2009-11-07T09:43:00.000-08:00

O pasado venres celebramos o Magosto no cole. Comemos castañas asadas, que boas estaban! As nais da AMPA do colexio agasalláronnos cun refresco e rematamos bailando e cantando o son do acordeón do profe Telmo. Foi unha magoa que choveu e non puidemos participar en xogos populares, pero outro ano será.
O Magosto é unha festa tradicional galega, para destacar a importancia que tivo a castaña na vida dos galegos fai anos atrás. Este froito comezouse a utilizar dende o paleolítico e coa chegada dos romanos, estendeuse o seu cultivo e converteuse na base da alimentación da poboación, pero no século XVI coa chegada da pataca e o millo dende américa, as castañas perderon o seu protagonismo na alimentación.

O Samaín

2009-11-03T03:38:00.001-08:00

No cole celebramos o Samaín, unha festa celta.
Os celtas foron un pobo que habitou en Galiza fai 2600 anos aproximadamente. O Samaín era a celebración do Ano Novo Celta que comenzaba na estación oscura. Era unha festa de transición dun ano a outro e tamén a apertura do outro mundo, o mundo dos mortos, xa que se facía accesible aos mortais podendo pasar a formar parte del mediante un feitizo ou meigallo. Cando chegaba a celebración do Samaín, os celtas colocaban nos arredores dos seus castros e nos cruces dos camiños as caveiras dos inimigos mortos cunha candea acendida dentro, co obxetivo de arrepiar os seus inimigos e exconxurar os perigos da celebración.
Nós para espantar os nosos inimigos baleiramos e decoramos cabazas con motivos arrepiantes.

Golfiños na proa

2009-10-29T07:36:00.000-07:00

Hoxe achegámonos a Ribeira para visitar "Golfiños na proa", unha exposición itinerante que percorre dende hai algún tempo as costas galegas.
Na súa bodega, tivemos ocasión de ver os ósos de diversos mamíferos mariños, así como o feto dun golfiño, que morreu canda a nai, falecida por inxestión masiva de plásticos.
Isto levounos a reflexionar acerca da necesidade de termos máis coidado cando saímos e non tirar plásticos; e, como non, prescindir do uso de materiais de plástico sempre que poidamos. Ou acabaremos afogando ao planeta enteiro en plástico!
Ademais de aprender moitas cousas sobre os mamíferos mariños, ensináronos tamén algunhas das ferramentas que se usan para o goberno do barco.
O veleiro é precioso. Entráronnos unhas ganas de navegar...